ОУД „ЛАЗАР ЛАЗАРЕВСКИ“ ВЕЛЕС СО КОНТИНУИРАНИ АКТИВНОСТИ И ВО ЛЕТНИОТ ПЕРИОД!

По обезбедниот паркинг простор за велосипеди во дворот на ОУД„Лазар Лазаревски“, отпочнувањето со реконструкција на патеката во дворот на Ученичкиот дом како и завршените молерофарбарски работи, активностите во Домот континуирано продолжуваат и во овој летен период. Имено, овие денови во дворот на ОУД„Лазар Лазаревски“ Велес поставени се нови јарболи со знамето на Република Македонија и знамето на Општина Велес. Веднаш до овие две знамиња се вее и еколошкото зелено знаме, кое, за потсетување, беше доделено на петтиот по ред Еко-самит со што ОУД„Лазар Лазаревски“ Велес беше првиот Ученички дом во Република Македонија-носител на ова високо признание.